Прекупците им го земаат лебот на пазарџиите

Јавното претпријатие „Пазариште„ во првото тромесечје од годината бележи намалување на приходите поради проблемите кои ги има со дивите продавачи.

Наместо закуп на тезги во зелените пазари, трговците се почесто се одлучуваат да продаваат надвор од пазарот поради нелојалната конкуренција што им ја создаваат препродавачите. Тоа го чини претпријатието околу 1 милион денари.

Имаме благо намалување на приходот поради долгогодишниот проблем со дивите тезги околу пазарот. Ние сме во постојан контакт со надлежните институции за да се надмине проблемот. Во претпријатието се воведени мерки за штедење и веќе на почетокот на вториот квартал имаме подобра финсиска состојба,- изјави помошник директорот Марјан Спасовки.

Од опозицијата упатија забелешки и за расходите на претпријатието во делот на сметките за телефонски услуги и за репрезентацијата.  Финансискиот извештај на претпријатието беше изгласан од советниците.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk