Претставата “Идиоти“ во Кочани

Кумановскиот театар со претставата “Идиоти“ вечерва ќе гостува во Кочани.

Во Центарот за култура “Бели мугри“ во 19 часот ќе биде прикажана комедијата работена според едночинки на Муза Павлова, а во режија на Мирослав Петковиќ. Во “Идиоти“ играат Александра Михајловска, Мартин Лазаревски, Владо Дојчиноски и Марко Трајковиќ.

“Нема некој повод за нашето гостување во Кочани, едноставно тоа е град каде нема професионален театар и ќе им овозможиме на граѓаните да ја погледнат претставата. Следното гостување на “Идиоти“ ќе биде во Кавадарци. Во Куманово комедијата побуди интерес, имаше публика, салата беше полна, се бараше билет повеќе“ - велат од театар Куманово.

“Идиоти“ во Куманово ќе игра на 2 и 3 ноември со почеток во 20 часот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk