Зачленете се во нашиот клуб на читатели и најновите текстови ќе ги добивате на вашата мејл адреса
Новинарите кои ја следат работата на Советот на Општината Куманово, во иднина ќе можат да го следат преводот на седниците, откако се надминати техничките пречки кои беа присутни во изминатиот период.
Деновиве во салата за седниците, монтирани се доплонителни уреди за пренесување на симултаниот превод на македонски јазик и јазиците на малцинските зедници, кои ќе бидат достапни за потребите на новинарите.
Техничкиот недостаток за следење на симултан превод на седниците за новинарите е отстранет. Како што сум информиран од службите за поддршка на советот, уредите се ставени во функција. Новинарите со слушалки ќе можат да ја следат седницата - вели Максим Димитриевски, претседател на Советот на Општина Куманово.
Поради неадекватни просторни услови во салата за седници на Совет и немањето на уреди за пренесување на преводот, досега, главно, новинарите од македонските редакции немаа можност да ги разберат расправите на советниците од албанската националност. Поради тоа, известувачите, повеќепати реагираа до претседателот на Советот со барање за создавање на услови заради непречена работа.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk