Презентација на дел од културното наследство на Србите

Во гостилница „Дома“ во Куманово, вечерва во 19 часот, ќе се одржи презентација на дел од културното наследство на Србите, во организација на „Спона“, Културно- информативниот центар на Србите во Македонија, во соработка со Коло на српските сестри од Куманово.

Оваа презентација се одржува со цел да се сочува култуното нематеријално богатство на Србите, кое опстојува низ вековите, а денес поради модерниот начин на живот, почнува се` поретко да се практикува.

На презетацијата ќе биде претставено културното наследство на Србите, преку давање на „слика“ за: старите занаети, славата, везот, орото, специфичната изработка, приготвување на одредени српски јадења итн.

„Со претставување на овие типови на културно наследство, се чува историјата, културата и традицијата кој го предизвикува чувството на идентитетот кај еден нардот. Ова се само дел од културните различности, кои ги содржи автентичната култура на Србите“,- велат од „Спона“, Културно-информативен центар на Србите во Македонија.

Центарот „Спона“ е формиран во 2005 година, како самостојна, невладина и непартинска организација, поради сочувување на националниот и културниот идентитет на Србите, кои живеат на територијата на РС Македонија. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk