Презентирани проектите на „Европа за граѓаните„

Претставничка од Министерството за образование денеска на невладините организацији во Куманово им ја претстави програмата „Европа за граѓаните„, преку која ќе можат да аплицираат за проекти од граѓанското општество.

Нашиот информативен ден се фокусира на веќе распишаниот конкурс, кој трае до први јуни. Сакаме што подетално да се запознаеме со можностите за аплицирање на три мерки. За општината е најзначајно организирањето на состаноци со збратимените градови,потоа можноста за соработка со партнери од најмалку 5 земји, каде ќе се дискутираат политиките на ЕУ што се значајни за идниот развој на општеството, и подршка и промоција на програмата „Европа за граѓаните„.Во јуни може да се аплицира за проект за страдањата на Евреите и на жртвите од сталинизмот - вели Аспасија Хаџишче, советник во Секторот за ЕУ во Министерството за образование и наука.    

Целта на проектот е нашите невладини организаци и општините да се вклучат во партнерски мрежи на земјите од ЕУ и меѓусебно да соработуваат.

 Презентацијата ја организираше Секторот за меѓународна соработка и евроинтеграции од Општина Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk