Презентирани трактори од “Хемометал“

Кај Добиточниот пазар во Долно Којнаре денеска се презентирани неколку типа на трактори од фирмата “Хемометал“ од Битола.

Оваа презентација се прави бидејќи во тек е рокот за аплицирање за мерката 50-50, преку која земјоделците можат да набават механизација. Од “Хемометал“ се задоволни од одзивот.

“Има интерес и се надеваме дека добри информации им овозможивме на земјоделците. Планираме во наредниот период да правиме презентации. Пред извесно време бевме во Старо Нагоричане. Се надеваме дека ќе посетиме  повеќе села во околината на Куманово. Пред две недели е распишан конкурсот за националната програма и тука сме да ги презентираме поволностите кои машини и механизација можат да ја добијат“-изјави Александар Крстевски од “Хемометал“.

Земјоделците се задоволни од она што имаа можност да го видат.

“Убави се овие трактори, ги видов, а за цена уште не сум прашал. За еден слушнав дека е 13.000 евра. Со таа програма за рурален развој ако е можно нешто да се земе, би било добро. Меѓутоа ќе треба да се аплицира, ќе се распрашам. Тракторите се нови. Секој селанец сака да има нов трактор“-вели Властимир Алексовски, земјоделец од село Жегљане.

Презентацијата ја организираше Здружението на земјоделски производители од Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk