Приведени десетина шверцери на мигранти

20.06.2015 12:42 | KumanovoNews

Завршила акцијата на МВР за приведување на криумчари на мигранти, која утринава започна во Куманово, дознаваме од полициски извори.

Приведени десетина шверцери на мигранти

  Во акцијата се приведени 8 луѓе, од населбите Тоде Мендол, кај стадионот Башкими и Черкеско село, кои се сомничат дека учествувале во криумчарење и транспорт на мигранти.

Како што потврдија од МВР се работи за луѓе кои подолго време превезувале поголеми групи мигранти. Утрово во 4.30 часот во близина на селото Доброшане, пресечен е транспорт на 7 мигранти кои од страна на тројца граѓани на Свети Николе требало да бидат превезени до српската граница. Полицијата извршила претрес на 10-тина објекти, а во еден од нив биле откриени поголема група мигранти. Уапсени се повеќе лица, кои се наоѓаат во Полициската станица Куманово.

  Од МВР најавија дека детали за акцијата ќе има во текот на утрешниот ден или доцна попладне.

Advertisement

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk