Пробно полнење на базенот во ноември?

Пробното полнење на Затворениот пливачки базен најверојатно ќе се реализира во ноември.

На денешната седница на Советот на општина Куманово, наменета за советнички прашања советничката од ГРОМ, Душица Сеизовска Јовановиќ го праша градоначалникот дали како што беше најавено во медиумите, пробното полнење на Затворениот пливачки базен ќе се направи за празникот на градот 11 Ноември.

Дали пробното полнење на базенот ќе се случи брзо како што беше најавено за месец ноември? - праша советничката.

Градоначалникот на Куманово, Зоран Дамјановски кажа дека базенот е во завршна фаза и најверојатно следниот месец ќе има пробно полнење.

Во ноември мислам дека ќе има услови. Ќе го наполниме да видиме како ќе функционира. Тоа ќе биде пробно полнење, на некој начин атест за пропустливост, одржливост. Технички до крајот на годината ќе биде затворен. Не можеме да го пуштиме во зимскиот период од позиција што партерното уредување ни е во тендерска постапка - рече Дамјановски.

Тој додаде дека следната пролет или лето базенот целосно ќе биде пуштен во употреба.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk