Зачленете се во нашиот клуб на читатели и најновите текстови ќе ги добивате на вашата мејл адреса
Во Кривичен суд Скопје денеска продолжи главната расправа по предметот поврзан со настаните од кумановската „Дива населба“, на која обвинетите се пожалиле на здравствени проблеми како резултат на транспортот од затворските установи.
Нивните бранители побарале одложување на расправата, заради што Судечкиот совет за кратко ја прекинал расправата и веднаш повикал итна медицинска помош, бидејќи покрај здравствените проблеми обвинетите се пожалиле и на надворешни повреди, се наведува во соопштението од Основниот суд Скопје 1.
По преглед на доктор од итна медицинска помош, докторот кажал сите шест обвинети немаат никакви видливи надворешни или други повреди и во моментот се способни да го следат судењето.
По добивање на извештајот, судечкиот совет констатирал дека не постојат причини расправата да биде одложена, па затоа со одлука на Советот главната расправа продолжила со распит на заштитени сведоци, како што било планирано, поради што истата е затворена за јавноста.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk