Продолжува поставувањето на полуподземните контејнери во центарот на Куманово

Четири полуподеземни контејнери за смет се поставуваат на две места пред т.н. Скопски дуќани на ул. „Иво Лола Рибар“. Соа тоа продолжува замената на постоечките контејнери во централното градско подрачје.

 Директорката на ЈП „Чистота и зеленило“, Цветанка Ивановска, вели дека ефикасноста на собирањето на смет е многу поголема на местата каде што има вакви контејнери.

„Праксата покажа дека овие контејнери се многу ефикасни, затоа што еден контејнер има капацитет од 5 кубни метри отпад и практично е замена за 6 обични контејнери. Поради тоа што собираат поголема количина, собирањето го вршиме на два дена. Не се шири  непријатна миризба, ниту пак, може да се буричка по нив од страна на дивите собирачи на пластика. Поставувањето на овие контејнери ќе продолжи на уште три локации“, вели Ивановска, која потсетува дека вакви контејнери се поставени зад зградата на „Комитет“.

Таа алепира до граѓаните во контејнерите да не фрлаат кабаст отпад, ниту кутии полни со смет затоа што имаат проблеми при нивното празнење.

Ивановска најави за наредната недела акција за собирање на кабаст отпад.

(С.Н.)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk