Продолжува штрајкот во ФЗЦ

Вработените во Фабриката за заварени цевки и профили „11 Октомври„- Куманово (ФЗЦ) и денеска не се вратија на работните места.

Тие остануваат на барањата да им се исплатат две плати од заостанатите седум за да го прекинат штрајкот. Менаџерскиот тим не пројавил интерес за разговори со нив за исполнување на барањата.

Штрајкот ќе продолжи додека не се најде решение. Бидејќи поголем дел од луѓето се на принуден одмор и за да не остануваат по цел ден, се договоривме сите да собираме од 10 до 12 часот, а пред тоа и потоа ќе штрајкуваат само оние што се на работа. Производството е прекинато 100 % и ништо не работи во фабриката, - изјави претседателот на фабричкиот синдикат Методија Сеизовски.

Вработените во ФЗЦ стапија во штрај од вчера, а причина е неисплатените плати и придонеси за изминатите 7 месеци.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk