Продолжува уништувањето на опремата на излетничкото место „Студена вода“

Продолжува вандализмот на излетничкото место „Студен вода“ во село Доброшане.

Градоначалникот на Општина Куманово, Максим Димитриевски, рече дека уништувањето на јавниот имот продолжува и понатаму.

„За жал уништувањето на јавниот имот не сопира, штотуку наместени една од скарите е уништена", вели тој.

Во моментот во викенд населбата „Студена Вода" во Доброшане, во тек е поставување на нова урбана опрема во вид на маси, клупи, столови, осветлување и скари.

Инаку, на почетокот на месецот исто така беше скршена и канделабрата, ноќта откако било ставено во функција новото осветлување на викенд населбата „Студена вода“.

Проектот за изградба на излетничко место на Студена вода е во завршна фаза, со кој се очекува  Куманово да добие нова локација за прошетка на граѓаните во природата.

(Ф.М.)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk