Промоција на романот „На пат во времето“ од Петре Наковски

 Во организација на Сојузот на Македонците од Егејот “МАКЕДОН“ и Здружението на Македонците од Егејскиот дел на Македонија „Наше огниште“ од Куманово, утре во 19 часот, во Центарот за култура  “Трајко Прокопиев“ во Куманово ќе се одржи промоција на романот „На пат во времето“ од Петре Наковски.

 Промотор на романот е претседателот на Светскиот Македонски Конгрес Тодор Петров.

Петре Наковски е романсиер и преведувач. Роден е на 17 јули 1937 година во село Крчишта, Костурско, во Егејскиот дел на Македонија. Педагошки ликеј завршил во Полска, а Филолошки факултет во Македонија. Докторирал на Институтот за политички науки на Вроцлавскиот универзитет во Полска. Бил новинар во весниците „Вечер“ и „Нова Македонија“, а работел во Министерството за надворешни работи. Петре Наковски е прв амбасадор на Македонија како самостојна и суверена држава во Полска. Oд 1989 година член е на Друштвото на писателите на Македонија. Автор е на романите: „Постела за чемерните“, „И каменот е земја“, „Големата удолница“, „Големата измама“ и „На пат во времето“.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk