Зачленете се во нашиот клуб на читатели и најновите текстови ќе ги добивате на вашата мејл адреса
Во Занаетчискиот дом во Куманово вечерва во 19 часот ќе се одржи промоција на стихозбирката „Плетенка“ од Сузана Божиновска (38) од Куманово. Рецезент и промотор на збирката е Христина Алексовска, директорка на Библиотека „Тане Георгиевски“ Куманово.
Промоцијата ќе биде збогатена со музички точки, играорна група и делови од книгата кои ќе ги презентираат талентирани ученици.
„Според поетесата магија е да веруваш во себеси, во љубовта. Таа во својата збирка плете плетенка, каде цврсто ги спојува минатото, сегашноста и иднината. Прави долга плетенка од сите мигови, од љубов, тага, разочарување изразувајќи ги чисто и искрено своите емоции“, изјави Христина Алексовска.
Ова е втора стихозбирка на Божиновска, по минатогодишното издание на книгата „Дождови“.
Книгата е во издание на Библиотеката „Тане Георгиевски“ Куманово со финансиска поддршка на Општина Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk