Просечната плата во март повисока за 10,5 % во однос на минатата година

Просечната плата за март годинава изнесува 44.763 денари, соопшти Државниот завод за статистика. Исплатениот личен доход по вработен е поголем за 10,5 проценти во однос на истиот месец во 2024 година.

Зголемувањето се должи на зголемување на платите во образованието, за речиси 16 посто, рударство и вадење камен за 14 проценти, како и административни и помошни услужни дејности за 12,5%.

Во однос на февруари, во тековната година поголеми лични примања имаат вработените во секторот рударство и вадење камен, уметност, забава и рекреација и во преработувачката индустрија.

Трендот се пресликува и во исплатената бруто плата, покачувањето е 10,6 посто, а просечната бруто исплатена плата во март изнесувала 67.240 денари. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk