Противпожарниот сојуз ќе соработува со колегите од Балканот

Општинскиот противпожарен сојуз Куманово годинава ќе ја обнови соработката со колегите од бившите југословенски републики, со кои порано имале соработка.

Соработката ќе се состои во размена на искуства, обуки и следење на новитетите во пожарникарството.

“По распадот на Југославија соработка воопшто немаше. Има иницијатива за обнова на соработката од Белград и бевме повикани кај нив. Од оправдани причини не отидовме, но им одговоривме дека сме заинтересирани за таква соработка и истата ќе ја воспоставиме на едно завидно ниво. Од заеднички интерес е да имаме размена на искуства и на тој начин подобро да функционираме„ - рече Часлав Јовановиќ, секретар во Општински противпожарен сојуз Куманово.

Општинскиот противпожарен сојуз порано соработувал со противпожарни друштва од Врање, Белград, Лесковац, Сремски Карловци и други градови.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk