Првенство во атлетика ќе се оддржи во Куманово

 Куманово утре ќе биде домаќин на државното првенство во атлетика за деца до 13 години. Отварањето ќе биде во 11 часот на атлетскиот полигон кај Соколана.

Ќе има осум екипи кои ќе дојдат со поголем број на натпреварувачи. Во Федерацијата има 30 клуба, но бидејќи се работи за деца кои се почетници, некои клубови може да дојдат со најдобри двајца атлетичари. Предвидени се трки на 60, 300, 600 метри, скок во далечина, скок во височина, фрлање ѓуле и слично. Од нашиот клуб “Скок“ ќе се натпреваруваат дваесетина деца - рече Филип Колевски, тренер во атлетски клуб “Скок“.

Децата ќе се натпреваруваат поединечно, а најдобрите атлетичари ќе добијат медали и дипломи.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk