Психолошки работилници за учениците во “Вук Караџиќ“

Во основното училиште “Вук Караџиќ“ во новата учебна година ќе бидат организирани работилници со психолози.

Ова се прави за да нема последици по развојот на  децата по настаните од 9 и 10 мај, кога полицијата водеше вооружени дејствија против терористичка група во населбата Тоде Мендол.

“Во август ќе ги подготвиме наставниците, а во септември планираме да почнеме со работилници со психолози. Додека траеја борбените дејствија, два дена немаше настава целосно, а цела недела дел од децата не доаѓаа на школо. Родителите не ги пуштаа од страв или беа во други градови, во други делови на Куманово кај роднини“ – раскажува Надица Петровска, директорка на “Вук Караџиќ“.

Во “Вук Караџиќ“ се образуваат околу двесте основци.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk