Пукано пред куќа во Романовце

Ќ.З.(31) од село Романовце во дворот од негова куќа испукал еден куршум во воздух од пиштол, а соседот го пријавил во полиција.

Пукањето се случило вчера во 8.30 часот, кога Ќ.З. со одобрение на неговиот татко М.З.(54), зел пиштол марка „Црвена Застава“ калибар 7,62 мм, излегол во дворот од неговата семејната куќа и испукал еден куршум во воздух, со што го вознемирил неговиот роднина Т.З., кој бил во непосредна близина. Увид на местото на настанот извршиле полициско-судски екипи.

Пронајдена е и подигната една чаура од испукан куршум и истата ќе биде предмет за понатамошно постапување. Против сторителот ќе биде поднесена соодветна кривична пријава.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk