Работилница „Преку кастинг до улога во филм“

Во Центарот за култура “Трајко Прокопиев“ попладнево се одржа работилница на тема “Преку кастинг до улога во филм“, во рамки на Фестивал на тркала-Недела на балкански филмови.

Ученици од основни, средни училишта и млади се едуцираа за кастинг и предпродукција на еден филм. На учесниците им беа прикажани делови од досегашни кастинзи и деца кои добиле улоги во филмови.

Тие што ќе бидат заинтересирани, ќе ги снимиме и ќе влезат во Агенцијата за кастинг. Тоа е Агенција од Битола која работи на многу филмови. Ќе им објаснам кој ги избира подоцна. Многу е важна опуштеноста на филм. Филмот не бара некоја глума, колку што бара природно движење, природно зборење, природни реакции. Воопшто не е потребно да се чувствува дека глуми“ - вели Коста Дупчинов, фотограф.

Меѓу присутните имаше многу млади ентузијасти кои го сакаат филмот и би сакале да учествуваат во снимање на филм.

На оваа работилница дојдоа затоа што ме интересира видео продукцијата и сакам нешто повеќе да научам за филмовите. Се израдував кога слушнав дека ќе има во Куманово работилница од ваков тип - рече Дарио Королија, ученик во “Наце Буѓони“.

Ана Марија Поповска, ученичка во “Крсте Мисирков“ кажа дека го сака филмот како уметност, ужива да гледа филмови и дошла да се информира повеќе на оваа тема.

Вечерва и утревечер во 18 и 20 часот во Центарот за култура,  граѓаните бесплатно ќе можат да погледнат проекции на неколку балкански филмови.

Фестивалот на тркала го организираат Кат веј, МЦФ МКД и Агенција за филм.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk