Работилница за борба против расизам во ЦИД

Центарот за меѓукултурен дијалог во петок ќе организира интерактивна работилница по повод Денот за борба против расизмот.

Работилницата ќе се одржи во нивните простории, од 18 до 20 часот а можат да присуствуваат сите заинтересирани.

“Целта е да се поттикне мир, толеранција, разбирање во мултиетничко општество. Тоа ќе биде направено преку примери, игри, дискусија. Работилницата ќе ја водат странските волонтери кои се дојдени кај нас“ - вели Александра Цветковска, координатор на волонтери во ЦИД.

Денот за борба против расизам го установиле Обединетите нации во 1966 година, во знак на сеќавање на 21 март 1960 година, кога во Јужноафриканската Република се убиени 69 луѓе кои мирно демонстрирале против апартхејдот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk