Зачленете се во нашиот клуб на читатели и најновите текстови ќе ги добивате на вашата мејл адреса
Поранешните работници на Тутунскиот комбинат Куманово бараат од Владата да ги отпише долговите на нивната фабрика како што неколкупати го сторила тоа во Тутунскиот комбинат Прилеп.
Тие сметаат дека државата, како доминантен сопственик на капиталот, треба да има ист аршин кон сите свои стопански субјекти и да помогне фабриката да се рестартира наместо имотот да пропаѓа а работниците да седат дома без работа и никави права.
Ги опростуваат долговите на Прилепскиот комбинат, па нека ги опростат и на нашиот. Ние бевме должни 20 милиони евра а Прилепскиот 83 милиони евра. Ако со камата на камата нашиот долг достигнал 100 милиони евра, тогаш Прилепскиот должи милијарда.-вели една од работничките.
Откако фабриката во судка постапка му беше одземена на Бајруш Сејдиу поради незаконска приватизација и и беше вратена на државата, во април годинава се отвори стечајна постапка. Стечајниот управник сеуште не влегол во комбинатот да изврши увид во документацијата и да ги утврди долговите и побарувањата што ги направиле досегашните раководства. Во меѓувреме само работниците ги доставиле своите побарувања и со нетрпение го чекаат исходот. Тие десет години се на улица, без плата, осигурување и никакви права поради малверзациите кои се случувале во приватизацијата на овој тутунски гигант. Излезот од децениската агонија го гледаат само со помош на државата. Во Тутунскиот комбинат Куманово државата поседува 56 проценти од капиталот, а останатото е на работниците.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk