Распишани се претседателските и парламентарни избори, ќе се одржат на 24 април и 8 мај

Претседателот на Собранието Јован Митрески ги распиша претседателските и парламентарните избори. Првиот круг од претседателските избори е закажан за 24 април, а на 8 мај ќе се одржат вториот круг од претседателските избори и парламентарните избори.

„Првиот круг од 7. претседателски избори во земјава ќе се одржи на 24 април 2024 година, додека вториот изборен круг за претседател ќе биде во ист ден со гласањето за 11. парламентарни избори, односно на 8 мај“, кажа Митрески на прес-конференција во Собранието.
 
Тој очекува во изборниот период сите надлежни институции, но и сите инволвирани субјекти да дадат свој придонес за фер и демократски процес.

Откако решението за изборите ќе биде објавено во Службен весник, треба да заседава Државната изборна комисија и да усвои роковници со што и официјално ќе почнат да течат изборните дејствија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk