Речица ќе добие канализација до есен

 Селото Речица до есен ќе се приклучи на градската канализациона мрежа.

Пред неколку дена започна изградбата на канализационата мрежа во должина од 2500 метри, што ќе го поврзе селото со главниот колектор на улицата Никола Тесла.

Ќе се изгради главниот вод низ селото и гранки до секое маало, од каде жителите ќе можат да ги приклучат своите домаќинста. Вредноста на проектот е 400.000 евра обезбедени од Европска банка за обнова и развој. Се надевам дека до есен работите ќе бидат целосно завршени, - изјави градоначалникот Зоран Дамјановски.

Општината Куманово изработила проектна документација, извршила ревизија и ја исплатила  експропријација на земјиштето каде поминува канализациониот систем, што се заедно ја чини околу 100.000 евра.

 По отпочнување на работите на терен, дел од сопствениците на имотот не дозволиле механизацијата да влезе во нивните ниви за да не ги уништи посевите. Поради тоа работата е стопирана. Градоначалникот се надева дека проблемот наскоро ќе се надмине и работите ќе продолжат, бидејќи тоа е во интерес на жителите на Речица.

 Европска банка за обнова и развој обезбеди 4,5 милиони евра за изградба на канлизациона мрежа во неколку кумановски села.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk