Зачленете се во нашиот клуб на читатели и најновите текстови ќе ги добивате на вашата мејл адреса
Заврши реконструкцијата на училишната спортска сала во ООУ „Христијан Тодоровски Карпош“ с. Драгоманце.
Проектот се реализира преку Македонскиот центар за граѓанско образование (МЦГО) Скопје, а средствата во висина од 1.517.591 денари се обезбедени од Агенцијата на САД за меѓународен развој (УСАИД) со учество и поддршка на локалната заедница во износ од 510.796 денари. Градежните работи почнаа во октомври 2020 година.
„Објектот има комплетно нов современ изглед, ставени се нови ПВЦ-врати и прозорци, отстранети се старите слоеви на ѕидовите, променет е кровот, ставена е термичка фасада, нови подови и осветлување и две помошни простоии кои ќе служат како соблекувални“, - изјави директорката Анета Станковиќ Јанковска.
Објектот се наоѓа во училишниот двор, беше потполно нефункционален и создаваше грда слика. Сега со реконструкцијата се создадоа нормални услови за реализација на часовите по физичко и здравствено образование и простор каде учениците ќе се рекреираат и културно ќе се докажуваат на сите спортски, културни манифестации и приеми што ги организира училиштето.
На пуштањето во употреба на спортската сала присуствуваше градоначалничка на Општина Старо Нагоричане и претставници од надлежните институции вклучени во реализацијата на проектот.
(С.Н.)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk