Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад во Куманово вечерва со почеток во 20 часот ќе се одржи 18. издание на „Рома труба фест“. Фестивалот е во организација на Ансаблот на народни ромски игри и песни „Рушит Шакир“ од Куманово.
„Српската фолк пејачка Анабела ќе биде ѕвезда на годинешното издание, таа ќе ја изведе и ромската химна на почетокот. Ќе настапат и најквалитетните дувачки оркестри во регионот, поради што најавуваме незаборавна забава. Не залудно го носиме епитетот македонска „Гуча“, изјави Самет Салиевски, уметнички директор на фестивалот.
Освен ѕвездата Анабела настапуваат и орекстрите на Исидор Зечировиќ, Кристијан Азировиќ, Роберт Демировиќ, сите од Република Србија, оркестарот Сандански од Бугарија и македонските оркестри на Демир Уска Кантуров, Кеми Асанов, како и Кочани оркестар.
Фестивалот ќе биде ревијален, а сите учесници ќе добијат статуетки за учеството.
Салиевски најавува квалитетна и пред се забавна програма, иако фестивалот се одржува во една вечер.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk