„Рома-труба фест“ во петок на градскиот плоштад во Куманово

Традиционалниот фестивал на дувачки оркестри „Рома труба фест“, ќе се одржи во петок со почеток во 19.30 часот на градскиот плоштад во Куманово. Манифестацијата по 17-пат ја организира Ансаблот на народни ромски игри и песни „Рушит Шакир“ од Куманово.

Учество ќе земат 9 оркестри од Македонија, Србија, Бугарија и Белгија, но и познати и признаени дувачи солисти, кои зад себе имаат голем број на награди и признанија за нивната музика.

„Пред кумановската публика ќе се претстави кралот на ромската музика Ферус Мустафов, оркестрите на Бојан Ристиќ, Владимир Ивановиќ, Кристијан Азировиќ и Исидор Зечевиќ од Србија, Оркестарот на Кеми Асанов од Македонија, Оркестарот на Севен масар Кадриев и Брас бенд од Бугарија. Посебна атракција ќе биде Оркестарот на Мануел Амеговиќ од Србија, кој е избран за првата труба за млади на неодамна завршената манифестација Гуча за 2022 година“, изјави Самет Салиевски, директор на фестивалот.

Фестивалот е под покровителство на Општина Куманово и Министерството за култура.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk