Зачленете се во нашиот клуб на читатели и најновите текстови ќе ги добивате на вашата мејл адреса
Жителите на Романовце бараат Општина Куманово селскиот водовод да го приклучи на градската водоводна мрежа. Тие преку месната заедница поднеле барање до Советот на Општина Куманово и предлогот утре ќе се најде пред советниците.
Во образложението се наведува дека во селото постои систем за водоснабдување кој е изграден по европски стандарди и по проект кој е ревидиран и функционира без проблеми, па со превземањето на управување од ЈП „Водовод“ придобивки ќе имаат и двете страни.
„Романовце е одалечено од Филтер станицата само 2 километра, со една мала интервенција ќе се дојде до решение без реконструкција на постоечката мрежа во селото. Бараме ургентно да се постави на дневен ред проблемот за снабдување со вода за пиење и бараме решениета да биде трајно за жителите на селото“, стои во барањето упатено до Општината.
Доколку Општината не го реши проблемот жителите најавуваа протести и граѓанска непослушност.
Во селото Романовце живеат 3300 жители и е едно од најголемите села во кумановско.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk