Зачленете се во нашиот клуб на читатели и најновите текстови ќе ги добивате на вашата мејл адреса
Од општинскиот комитет на ВМРО-ДПМНЕ денеска ја обвинија Општина Куманово и градоначалникот Зоран Дамјановски, за нестручно и неодговорно однесување, поради тоа што навремено не набавиле нафта и дозволиле училиштата да останат без греење.
Одговорна општина не смее да дозволи договорот за набавка да истече, а во меѓувреме да не го продолжи со нов и на крај децата на минусни температури да следат настава во незатоплени простории. Градоначалникот не е во општината, а децата и општинарите се препуштени сами на себе. Училишните простории неколку дена не се затоплени, што може повторно да го интензивира ширењето на грипот, - изјави Анета Шандева Доневска на прес-конференција.
Додаде дека денеска се набавени интервентни количини нафта, но срамот и неодговорноста на надлежните останува, а децата ќе мора да ги одработат пропуштените часови.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk