Зачленете се во нашиот клуб на читатели и најновите текстови ќе ги добивате на вашата мејл адреса
Во Уметничката галерија во Куманово, денеска /среда/ со почеток во 20 часот ќе биде отворена самостојна изложба на академскиот уметник Ангел Коруновски од Велес.
Изложбата е насловена „Реинвенција на реалноста“ и опфаќа опус од 30 ликовни дела: слики, скулптури и објекти, кои авторот ги изработил во последните десет години.
Сублимираните дела ги опфаќаат неколкуте етапи-фази во ликовното творење, во кои се отсликува фигуративниот пристап и преминот кон неформалното, односно апстрактно творештво.
Ангел Коруновски е роден во Велес, 1979 година. Завршил факултет за ликовни уметности при Универзитетот „Св.Кирил и Методиј“, во Скопје, отсек скулптура, насока конзервација и реставрација и постдипломски студии на истиот универзитет. До сега реализирал повеќе самостојни изложби во нашата земја, Црна Гора и Германија, зел учество во групни изложби и интернационални ликовни колонии. Добитник е на повеќе награди и признанија.
Изложбата за љубителите на уметноста ќе биде отворена до крајот мај.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk