Зачленете се во нашиот клуб на читатели и најновите текстови ќе ги добивате на вашата мејл адреса
Членови на Социјал-демократската младина од Куманово денеска на мостот кај Искра, на влезот од градот поставија банер на кој пишува „Куманово нема да заборави Диво насеље 9.5.2015“.
Тие прашуваат зошто и по неколку месеци нема одговори за настаните од 9 и 10 мај, кога 8 полицајци загинаа, 40 беа повредени и беше предизвикана огромна материјална штета.
До денес сè уште нема никаква разрешница на случајот што се случи во нашето маало. Кој навистина стои зад инцидентот? Дали е спроведено црно сценарио? Дали ова беше политички обид за дестабилизација? Кој дозволи 8 полицајци да загинат и да има десетици повредени? Нема одговорност од никого. Од ова место, со симболично поставување на овој банер, сакаме да испратиме порака дека Куманово нема да заборави - рече Владислав Трајковски, претседател на СДММ Куманово.
Трајковски вели дека при секое поминување во Куманово, банерот ќе го потсети премиерот Никола Груевски, каква штета е нанесена на граѓаните, а по смена на власта во април 2016 година ќе се открие вистината.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk