Зачленете се во нашиот клуб на читатели и најновите текстови ќе ги добивате на вашата мејл адреса
Социјал -демократската младина денеска на прес-конференција ја обвини Унијата на млади сили на ВМРО-ДПМНЕ , дека неосновано го оцрнува градоначалникот Зоран Дамјановски, а при тоа го прикрива најгорливиот проблем иселувањето на младите од државата.
Од СДММ велат дека поради големата невработеност и вмешаност на политиката на пазарот на трудот, младите се иселуваат во прекуокеанските или развиените европски земји.
Бројките зборуваат дека 447.000 лица ја напуштиле Македонија, односно 25% од вкупното население. Во нашата општина посебно се чувствува процесот на миграција на младите луѓе, затоа што нашата Влада наместо капитални инвестиции и проекти кои се од важност за сите граѓани, соочени сме со блокади и опструкции. Младите не гледаат никаква перспектива и се повеќе и повеќе излез бараат надвор од границите на Република Македонија. УМС на ВМРО-ДПМНЕ треба на граѓаните, на младите да им објасни зошто како подмладок на политичка партија која е на власт скоро една деценија, воопшто не креираше политики за да се спречи иселувањето на младите - вели Мартин Захариев, портпарол на СДММ Куманово.
Захариев за обвинувањата дека реката Кумановка не се чисти, рече дека во последните 5 години најмалку 3 пати е чистена, а ќе следи и нова акција за чистење на коритото. За двата парка во градот за кои беше кажано дека не се одржуваат, најави поставување на нови трим патеки.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk