Зачленете се во нашиот клуб на читатели и најновите текстови ќе ги добивате на вашата мејл адреса
Од Општинската организација на СДСМ Куманово на прес конференција обвинија за негрижа кон културното наследство и лошо изведена реконструкција на Соколанскиот парк.
Драгана Коцевска, портпаролка на ОО СДСМ Куманово ја обвини локалната власт и градоначалникот Максим Димитриевски, за неодговорно однесување кон Соколанскиот парк, кој еден од култните обележја на градот.
„Соколана е едно од главните обележја на Куманово, урбано и култно место за градот но, за жал сведочиме на нејзиното деградирање. Пример за тоа е исчезнувањето на бистата на народниот херој Магдалена Антова, која речиси две години ја нема. Градоначалникот е секогаш прв партизан кога се работи за популистички изјави во медиумите, меѓутоа тука во Соколански парк на дело се гледа неговата “почит“ кон нашите партизани. Магдалена Антова е народен херој, учесничка во НОБ, членка на Карадачкиот одред и нејзината биста гордо стоеше во овој парк со години, но со квази реконструккцијата на Соколански парк ја снема и бистата на овој народен херој. Згора на тоа неквалитетната подлога на патеките во паркот веќе стана и пречка за безбедноста на минувачите и дечињата. Покрај Градскиот парк и малиот плоштад градоначалникот Максим и со овој проект докажа дека ги троши парите на граѓаните на половични и неквалитетни реконструкции. Апелираме да се врати бистата на Магдалена Антова, да се почитува нашето културно наследство и нашите херои од антифашистичката борба, како и да се одржуваат нашите паркови и зелени површини кои и така ги имаме во мал број“, кажа Коцевска.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk