Зачленете се во нашиот клуб на читатели и најновите текстови ќе ги добивате на вашата мејл адреса
Во општинската организација на СДСМ од вчера и официјално започнала постапката за утврдување на кандидати за градоначалник на Куманово.
Во наредните 7-8 дена, комисија составена од неколку членови од највисокото партиско раководсто ќе ја спроведуваат постапката во сите месни организации.
Првиот филтер од предложените кандидати ќе го направи Извршниот одбор на општинската организација, а другите кандидати ќе се достават на разгледување на централното раководство на партијата.
Последниот збор ќе го имаат делегатите, кои на Конференцијата што ќе се одржи на 22 јуни со тајно гласање ќе го изберат кандидатот за градоначалник.
Во досегашните предлози се нашле имињата на актуелниот градоначалник Зоран Дамјановски, претседателот на Советот Виктор Цветковски, пратеникот Оливер Спасовски, директорот на ЈП „Чистота и зеленило„ Сашо Петрушевски, претседателката Снежана Захариева и Максим Димитриевски.
Засега најактивни на терен се структурите на партиски луѓе на Дамјановски и Цветковски.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk