СДСМ ја заврши кампањата „Рамо до рамо“

По три месеци СДСМ ја заврши кампањата “Рамо до рамо до победа“, која имаше за цел да ги потикне граѓаните да ги кажат нивните видување за локалните и национални проблеми,  но и да споделат идеи и размислувања за надминување на истите. 

„Со теренската активност “Рамо до рамо“, посетивме многу урбани и рурални средини, се сретнавме со многу граѓани со кои разговаравме за многубројните реализирани проекти, за целите кои сакаме да ги постигнеме, но внимателно ги слушавме и проблемите  со кои се соочуваат граѓаните кои ќе ги решаваме во наредниот период. Благодарност до сите укажани пофалби кон работата на оваа Влада предводена од СДСМ, но и благодарност до сите конструктивни критики кои ќе не направат уште поодговорни и поспремни.  Во Куманово и околината  дојде целото раководство на партијата и функционери од нашата Влада, кои рамо до рамо со секој граѓанин несебично и неуморно дискутираа и наоѓаа начин за успешно решавање на секој проблем во секоја урбана и рурална средина“, кажа претседателот на општинската организација на СДСМ Александар Арсиќ, на денешната прес - конференција.

Тој додаде дека во изминатиот пeриод СДСМ организираше и тематски трибини со разни целни групи граѓани, кои имаат за цел да ги претстават пред граѓаните сите активности и проекти кои Владата предводена од СДСМ ги реализира.

„Преку проектот “Рамо до рамо“ уште еднаш како партија покажавме огромна почит и поддршка кон граѓаните на Куманово и пративме силна порака дека Куманово секогаш може да смета на СДСМ и секогаш ќе биде симбол на социјалдемократијата“, заврши Арсиќ.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk