Зачленете се во нашиот клуб на читатели и најновите текстови ќе ги добивате на вашата мејл адреса
СДСМ на средби со граѓаните и на трибини ќе ја презентира програмата „Визија за Македонија“.
„Денес од Куманово започнуваме серија трибини каде ќе ги претставиме нашите идеи за обнова и промени во Македонија, но ќе бараме и критика и размислување од граѓаните. Тоа што ќе ги води промените е намалување на нееднаквоста и непрвадата во ова општество. Како да се намали јазот помеѓу една мала група на многу богати и останатите граѓани. Односно како да се зголеми животниот стандард и да се врати средната класа во Македонија. Мораме да ја одземеме моќта на власта и да поставиме сериозни механизми за нивна контрола, независно судство, слободни медиуми, силен граѓански сектор. Ние сметаме дека прво треба да се обезбеди транспарентно трошење на парите на граѓаните и второ изградба на цврста основа на домашни претпријатија“,- рече Драган Тевдовски, претседател на Комисијата за економија во СДСМ.
Членовите на СДСМ остварија средба со граѓаните на Бабин Дол, Средорек и Карпош. Вечерва во 19.30 часот ќе се одржи трибина во Центарот за култура „Трајко Прокопиев“, на која ќе говори лидерот Зоран Заев.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk