Се асфалтира улицата „Поток Серава„

 Се проширува и асфалтира улицата "Поток Серава" во должина од 1,5 километри. Во првата фаза ќе се изградат 700 метри, додека останатиот дел ќе се реализира до крајот на наредниот месец.

Ова е еден од поголемите проекти на патната инфраструктура што локалната самоуправа ќе ја реализира во текот на годината. Целата улица е во должина од 1580 метри. Со нејзино завршување на жителите од околните населби значително ќе им се подобри комуникацијата со градот - рече градоначалникот Зоран Дамјановски, при вчерашната обиколка на улицата за да види на лице место како се одвиваат работите.

Асфалтирањето на оваа улицата  ќе чини 11,5 милиони  денари, а работите ги изведува градежното претпријатие  „Маврово инжинеринг„.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk