Зачленете се во нашиот клуб на читатели и најновите текстови ќе ги добивате на вашата мејл адреса
Од вчера започна чистењето на коритата на реките Липковка, Којнарка и Кумановка во населбите Средорек и Бавчи.
Средства во висина од 2 милиони денари или 35.000 евра се обезбедени преку Програмата за заштита на животна средина од буџетот на Општина Куманово. Чистењето ќе продолжи кон Туш и Митев мост.
„Работите ќе траат до крајот на месецот, бидејќи се работи за голема површина и голема количина на ѓубре. Ќе гледаме да се исчити масимално со предвидените средства. Прво ќе се извади сметот од реката, а откако ќе се исуши ќе се изнесе. Секоја година се работат речните корита, но попусто, нема совест кај граѓаните да останат чисти“, вели Момчило Јовановски, раководител во Сектор за комунални работи.
Тој апелира жителите на анселбите сметот да се фрлаат во контејнери, бидејќи секоја година се трошат големи средства за чистење на коритата, кои можат да се искориста за друга намена.
Работата ја изведува фирмата „Евро градба“ од Василево.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk