Се чисти речното корито на Кумановка

Градоначалникот на Куманово, Зоран Дамјановски денеска кај населба Средорек информираше дека проектот за чистење на речното корито на Кумановка кој почна пред 10 дена е половина завршен.

Исчистени се околу 3500 метри кубни шут, смет и отпад, корења, остатоци од дрва. Средствата се од општинскиот буџет, а од Центарот за управување со кризи се добиени 10 тони нафта. Вкупната сума на тендерот е 3.400.000 денари.

Имаме неколку типа на машини, поголемите за поголеми протоци и помалите за суводолици. Планираме да прочистиме и некои канали во приградските населби. Мислам дека на овој начин ќе делуваме превентивно во пресрет на пролетните и есенските дождови. Да санираме и спречиме појава на поплави во овие трусни делови како што е Средорек, Бавчи, “Никола Тесла“ каде во изминатиот период имаше изливи и големи материјални штети. Обврска има не само општинската администрација туку и граѓаните бидејќи природата сурово враќа - изјави Дамјановски.

Тој апелираше граѓаните посовесно да се однесуваат и да ја чуваат природата, за да не дојде до природни катастрофи.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk