Се доградува црква во село Пчиња

 Со донации од фирми и самопридонес се уредува црквата „Свети Спас„ чии темели беа поставени пред десетина години.

Се работи на покривот, камбанаријата, внатрешниот и надворешниот дел од црквата. Фасадата ќе биде обложена со камен,а делови од внатрешноста ќе бидат украсени со мермер. На куполите се поставени два крста. Се очекува дека до селската слава Спасовден, која годинава ќе се слави во четврток на 24 мај, црквата ќе добие комплетен изглед. Жителите објаснуваат дека во селото имаат уште една црква која е стара, дотрајана и со многу мал простор, па новиот верски објект претежно ќе биде наменет за венчавање.

Во Пчиња живејат околу 800 жители и е едно од најголемите села во кумановско.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk