Се излејаа Слупчанка и Матејчанка

Надојдените води на реките Слупчанка и Матејчанка во општина Липково се излејаа од своите корита, по обилните врнежи во текот на ноќта.

Од Регионалниот центар за управување со кризи, информираат дека главно се поплавени ниви, а во село Опае се поплавени подрумите на три куќи.

„Реката Слупчанка во селото Опае поплави подрумски простории во три куќи и моментално таму од општина Липково вршат испумпување. Матејчанка се излеала на обработливи површини. Наврнаа ноќеска 14,8 литри дожд на метар квадратен, што не е некоја голема количина, но таму шумите се уништени и секако дека тоа има влијание“ - велат од РЦУК.

Синоќешните врнежи од дожд не предизвикаа проблеми и во кумановско.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk