Се оградува училиштето “Киро Бурназ“

Со средства од општина Куманово се оградува дворот на Земјоделското училиште “Киро Бурназ“.

Директорката Весна Трајковска вели дека откако ќе се направи оградата, училиштето ќе добие нов лик и само учениците ќе можат да влегуваат во дворот.

Се прави бетонска и железна ограда, ќе има и капија. Нема да може секој да има пристап до училиштето. Кога ќе влезат ученици, или ученички автобус во дворот, капијата ќе се затвори - вели Трајковска.

Таа додава дека од понеделник Министерството за образование ќе почне со реновирање на сите тоалети во училиштето, а дворот ќе се уредува преку поектот на УСАИД “Градиме мостови“. Процедурата за овој проект е во тек и се чека тендерската документација.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk