Се поправа уличното осветлување во Карпош

Граѓаните од населбата Карпош се жалат дека десетина дена немаат улично осветлување и целата населба е во тотален мрак мрак.

Тие се револтирани што уличното советлување со недели никој не го поправа, па тие ноќе мора да се движат по неосветлени улици и покрај тоа што редовно ги подмируваат сметките.

Од јавното претпријатије “Куманово - паркинг“ велат дека работат на отстранување на дефектот.

“Вчера имавме реакции и денеска наши екипи се на терен. Тие работат на санирање на дефектот. Се работело за прегорен осигурувач при што без улично осветлување се останати граѓаните од улица 40 и Никуљски пат. Тоа многу брзо ќе се реши“ - рече Фадиљ Шабани, директор на “Куманово - паркинг“.

Тој вели дека попладне уличното осветлување ќе профункционира во населба Карпош.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk