Се поставуваат подземни контејнери на 7 локации во градот

На седум локации во поширокото градско подрачје ќе се постават нови контејнери за смет.

Подземни контејнери ќе добијат жителите кај Економскoто училиште, поранешен ЗИК, Пожарната станица, локалитет Табакана, поранешен Вартекс, зад Мај маркет и др.

„Набавени се 15 контејнери, се поставуваат по два на една локација и ќе се монтираат во наредните две недели“, вели директорот на ЈП „Чистота и зеленило“, Даниел Стојчевски.

Тој додава дека бенифитите од користењето на овие контејнери, како за нив така и за граѓани се повеќекратни, затоа што се собира поголема количина изнесувањето на сметот се врши само еднаш дневно, со тоа се намалуваат трошоците, а не се создава метеж во сообраќајот.   

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk