Зачленете се во нашиот клуб на читатели и најновите текстови ќе ги добивате на вашата мејл адреса
Драгољуб Б.(66) од Куманово е пешакот кој синоќа беше прегазен на улицата Гоце Делчев во близина на трговскиот центар Гарнизон.
Во него удрил М.М. (31) од селото Сопот, кој управувал автомобил БМВ со кумановски регистаски таблички.
Според портпаролката на СВР Кумново Валентина Николовска, несреќата се случила во 21.30 часот додека Драгољуб се обидувал да ја помине улицата. Тогаш од центарот кон периферијата на градот наишол автомобилот и ударил во него. Од силината на ударот несреќниот човек летнал во воздух и паднал на шофершајбната на автомобилот, а потоа се отфрил и завршил на хаубата на друго возило што било паркирано на улицата. Од задобиените повреди починал на лице место. Возачот побегнал од местото на несреќата. Брзо потоа се пријавил во полициската станица Сопот. Автомобилот е пронајден во неговата куќа. М.М. е приведен и против него ќе биде поднесена кривична пријава за тешки дела против безбедноста во сообраќајот со смртни последици. Денеска ќе биде изведен пред јавен обвинител.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk