Зачленете се во нашиот клуб на читатели и најновите текстови ќе ги добивате на вашата мејл адреса
Превртена цистерна во селото Младо Нагоричане завчера го блокирала сообраќајот на магистралниот пат Куманово - Крива Паланка.
Како што изјавија за Кумановоњус од СВР Куманово, несреќата се случила во 20.30 часот во м.в. Смилчинци, кога товарно моторно возило со бугарски регистерски таблички додека се движело од Крива Паланка кон Куманово се судрило со голф со скопски таблички кој доаѓал од спротивната насока.
При судирот цистерната се превртела на патот и почнало да истекува гориво. Патниците во двете возила останале неповредени.
Територијалната противпожарна единица од Куманово излегла на терен од безбедносни причини во случај на експлозија, а сообраќајот бил во прекин до 23 часот. Откако цистерната и голфот биле тргнати од патот, пожарникарите го испрале коловозот и сообраќајот е нормализиран. Во несреќата причинета е само матерјална штета. Увид изврши екипа на СВР Куманово и работи на утврдување на причините за сообраќајката.
(фото архива)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk