Зачленете се во нашиот клуб на читатели и најновите текстови ќе ги добивате на вашата мејл адреса
Во здружението на стечајни работници УНИТ во тек е постапката за обновување на документацијата за субвенционирање на трошоците за вода, смет и градскиот превоз во Општината Куманово.
Прочистувањето на списоците започна на 1 март а ќе трае до крајот на месецот.
На секои 6 месеци се врши проверка и ја обновуваме документацијата, затоа што доаѓа до промени меѓу членството. До сега оваа бенифиција ја имаа 960 стејачци, 10-ина кои ќе одат во пензија но имаме старо-нови стечајни работници кои ќе ги вметнеме на списокот и бројка ќе остане иста- изјави Лилјана Георгиевска, УНИТ.
Кумановските стечајци се единствени во државата што имаат одредена помош од Општината. Иако имало иницијатива оваа мерка да се примени и во другите градови немало одзив.
И во Струмица е градоначалник од СДСМ, но за жал ги нема овие бенефиции, таму се покриени со пакети со храна.Јас можам да кажам дека на годишно ниво најмалку 500 евра ни спасуваат за комуналии и 500 за превоз, тоа е голема помош за нас, како што немаме ниту денар во џеб„ - додава Георгиевска.
Откако ќе се комплетираат списоците ќе се достават во Секторот за социјална заштита при Општина Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk