Се реализира проектот за инклузија на млади со пречки во развој

Во проектот се вклучени 60 млади лица од општините: Куманово, Липково, Ранковце и Кратово

Средно техничко училиште „Наце Буѓони“ – Куманово и Североисточен плански регион го имплементираат проектот „Инклузија на млади со пречки во развој на пазарот на трудот во североисточен регион“ (Labor Market Inclusion of Socially Disadvantage Youth in the Northeast Region) финансиски подржан од Делегацијата на ЕУ – ИПА програма – компонента 4 – социјална инклузија.

Во активностите се вклучени 60 млади лица изложени на ризик од социјално исклучување и живеат во североисточен регион на државата поточно во општините: Куманово, Липково, Ранковце и Кратово.

Преку активности на проектот овие млади се стекнуваат со вештини, капацитети и алатки потребни за успешно влегување на локалниот и националниот пазар на трудот.

За овие учесници во проектот се набавени и алатки за обуката Електроинсталатер и монтер на станбени објекти и CNC машини за обуката за Ракувач на нумерички управувани машини.

На крај на јануари завршуваат стручните обуки и учесниците во тек на февруари ќе одат на пракса во фирми кои се занимаваат со соодветни работи на нивните обуки.

Во март учесниците ќе се здобијат со сертификати за завршена стручна обука за Електроинсталатер и монтер на станбени објекти и Ракувач на нумерички управувани машини.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk