Зачленете се во нашиот клуб на читатели и најновите текстови ќе ги добивате на вашата мејл адреса
Започна санацијата на мостот над реката Кумановка на регионалниот пат Куманово - Свети Николе во населбата Проевце. Вредноста на проектот е околу 1 милион евра, а средствата се обезбедени од државата.
Со реконструкцијата ќе биде опфатен целиот мост, кој се наоѓаше во катастрофална состојба, со дупки по коловозот и скршена заштитна ограда.
„Градежните активности опфаќаат санација на столбовите, менување на лежиштата, санација на челичната конструкција, санација на отворената дупка на коловозот, бетонирање на нова коловозна плоча, нова хидроизолација, нови дилатации, нова еластична одбојна ограда и нови тротоари. Санацијата на мостот ќе изнесува 59.733.742, 00 денари без ДДВ“, соопштуваат од Јавното претпријатие за државни патишта.
Санацијата на мостот над реката Кумановка на регионалниот пат Р1204 кај село Проевце ја изведува фирмата „Синтекс инжинеринг“ Скопје, а подготовките се започнати при крајот на минатата година. Рокот за изведување на градежните работи е 15 месеци.
Пред две години беше реконструиран регионалниот пат Куманово-Свети Николе во должина од 42 километри, а во тек е реконструкцијата на мостот на реката Пчиња.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk