Се реконструираат неколку одделенија во болницата

Инфективно, нервно и одделението за уво, грло и нос деновиве се реновираат. Се менува кровната конструкција, електричната и водоводната инсталација, санитарните јазли, а се преуредуваат и собите за помалку пациенти.

"Средствата се во висина од 980.000 евра. Освен овие одделенија ќе започне и обновата на главната болничка зграда, каде се сместени одделнијата за хирургија, детското, интерното и одделението за гинекологија. Предвидено е обнова на фасада и внатрешнoста на објектот"- вели директорот Ариф Латифи.

Наскоро ќе започне и изградбата на одделенито за транфузиологија кое ќе зафаќа површина од 900 метри квадратни.Со реконструкцијата на објектите и набавените нови апарти се очекува да се подобри квалитетот на услугите на пациентите. Со проектот се предвидува Општата болница Куманово да стане регионален центар, кој ќе ја покрива територијата на североисточниот дел од државата со околу 200.000 пацинети.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk